السلام عليكم ورحمة الله وبركاته ..
ان شاء الله هنبدأ معاكم سلسة ينفع وماينفعش واللى هنشرح فيها ايه اللى ينفع وايه اللى ماينفعش مع كل نوع من انواع الدهانات والخامات اللى موجوده فى السوق وان كان فيه حاجة ناقصه نسيت اذكرها ممكن تتفضلوا بتركها فى التعليقات لاضافتها لاحقا مع المنشور....
اولا خامة اللاكيه اللامع والمطفى..
ينفع نخف اللاكيه المطفى واللامع .
1-بتنر
2- بنزين
3-نفط
ماينفعش نخف البويه بجاز سولار نهائيا ❌❌
ماينفعش نخف البوية بتنر مخلوط على بنزين اونفط ❌❌
التنر لا يضاف اليه شيئ
ينفع اضيف بنزين ونفط مع بعض
الرش
المط ينفع ارشه وانشره فى الشمس
اللامع ينفع ارشه فى الشمس
❌ممنوع تنشر اللامع فى الشمس🌞 لان الشمس هتخليه ينفخ ويعمل فقاعات هواء وبتبان اكتر لو فارد بالروله والبويه خفيفه
ينفع نعمل منه معجون بالاضافه للزنك والنفط وممكن نضيفه على المعجون البلدى والمعجون الجاهز
المط ينفع اعزل بيه الحوائط كوجه اولى بدل السيلر وكوجه اولى على المعجون بدل السيلر والبلاستيك
🟢ينفع اضيف ليه ملونات البلاستيك لكن تخفيفها يكون بنفط اوبنزين مش مياه
🟢ينفع ارش على المط دوكو وسيلر وبوليستر
🔴ماينفعش نرش على اللامع دوكو وسيلر الا بعد العزل بجمالكه .لانه هيفوش ويبوظ الدهان ويخرب.
الاسترجى هو الوحيد اللى ممكن يرش دوكو وسيلر على اللامع من غير مايفوش منه فماتحاولش تقلده لان الامر فعلا محتاج خبره
🟢ينفع ادهن لاكيه لامع ومط على البلاستيك المط واللامع
🔴ماينفعش ادهن بلاستيك مط على لاكيه لامع لانه هيخليه زى الكراكليه
الترخيم والتعتيق
🟢ينفع ارخم على لامع بصبغه وسبرتوا او بلاكيه وبنزين اونفط
🔴ماينفعش ارخم على مط الا اذا عزلت بسيلر او جمالكه
🟢الجليز على اللامع ينفع
🔴ماينفعش على مط الا فى حاله واحده وهى انك تمشطه بسلك مواعين
الدهانات التي تقبل الرش او الدهان هلى بعضها
🟢اللاكيه المط واللامع ينفع يترش بالمسدس وندهنه بالروله والفرشه
🔴الورنيش البلدى لايرش على ابيض نهائيا او فواتح لانه بيغير لونه وبيخليه يصفر
🔴الورنيش المكون من مجموعتين زى ار لاك ممنوع ترش بيه شغل متشطب لامع صافى لكن ممكن نص لامع
🟢البوليستر ينفع نرشه على اللامع والورنيش كوجه للعزل وماتقلقش مش هيفوش
🔴ماينفعش ارش لامع على لامع الا بعد مرور يومين او تلاته علشان الدهان مايكشعرش ويعمل زى الكراكليه لكن بالبارز
ي🟢نفع ارش لامع على مط فى نفس اليوم لو الجو كويس وحر
لو الزبون عاوز يدهن زيت عرفه الاول قبل ماتبدأ لانه فى الصيف بيخلى الشقه نار وفى الشتاء بتبقى فريزر
🟢ينفع اخلط ورنيش وزيت مغلى على اللاكيه ينفع لكن الورنيش هيخلى البويه شفافه والزيت هيخليها تغيب على ماتنشف
🔴اللاكيه اللامع مش حلو كبطانه اوليه على الخشب بدل المط
🟢المط بينشف بسرعه فى الشمس اكتر من الهواء
🟢اللامع بينشف بسرعه فى الهواء او تحت مروحه اكتر من الشمس بل ان الشمس تساعد على انها تطول مدة وزمن الجفاف
الديكورات
🟢ينفع المط يبقى ارضيه للقطيفه اه ينفع اللامع ماينفعش ولا ربع لمعه حتى
🟢ينفع عمل سواحيلى على لامع لاكيه ينفع ولكن الربع لمعه والنص افضل
❌الميتالك المائى مش هيغطى على اللامع وهيعمل زى الكراكليه
🟢ينفع ارش مالتى كلر او سايبستار على المط واللامع ينفع والمط افضل
🟢المط واللامع ينفع تعالج بيه الاثار الناتجه عن الرطوبه والملوحه ولكن بعد ازالة سبب الملوحه والرطوبه
🟢ينفع ادهن لاكيه مط ولامع على دوكو وسيلر وبوليستر وميتالك مائى
🟢ينفع ابطن خشب الاستر بلاكيه لامع مع تخفيفه جيدا بالنفط
🔴ماينفعش نعمل كده بالمط
🟢ينفع ارخم بصبغه وسبرتوا على الاكيه
ماينفعش على المط
🟢ينفع اخلط لامع على البرايمر دهان الحديد
🔴بس ماينفعش تشطب دوكو بعد كده
🟢ينفع تخلط زيت مغلى على البرايمر بيخليه بيلمع وشكله حلو
بس ماينفعش تشطب دوكو بعدكده
🟢ينفع تخلط مط على الرايمر
🟢ينفع تشطب دوكو عليه بعد كده
👍لوعايز اللاكيه يعيش معاك اطول فتره ضيف عليه شوية نفط وهو مش هيعمل وش خالص ممكن لمدة 10ايام تقريبا
👍المط لومرسب ينفع يفك ببنزين بس هيتعبك شوية
لوبترش حاجه واقفه خلى البوية تقيله علشان ماتسيلش منك
اللاكيه المط والربع لامع ينفع تصنفره بسلك مواعين ماتقلقش عمره ماهيخربش
لكن ماينفعش مع اللامع
ينفع اعمل كراكليه باللاكيه المطفى على اللامع قبل الجفاف
ماينفعش اعمل كراكليه بالمطفى على المطفى او اللامع على اللامع....
لنا منكم خالص التحية
يعد هذا التقرير مرجع لكثير من الفنيين وخاصة النقاشين
نفعنا الله وإياكم وجزا الله من قام بتعليمه لغيره
وشكر خاص للفنان مصطفى اسماعيل
تعليقات
إرسال تعليق