عاوز تعمل سباكة وانت اللي هتشرف على العمل
او تكون عندك فكرة للتصميم اللي هيتنفذ وانه يكون مناسب ليك
مناسيب هامة في أعمال السباكة :
اولا نأتي على اول حاجة بتكون مهمة في الحمام وبتقابلك اول ماتدخل الا وهو حوض الحمام
بما ان الفرد منا بيستخدم حوض الحمام بشكل مستمر للحلاقة او تشطيف الوجه أو تفريش الأسنان وغير ذالك من الأمور اليومية
يبقا لازم نعرف ارتفاع الحوض المناسب وهو بيكون 80سم عن منسوب التشطيب(( السيراميك))
بعد كده ندخل كذالك الحوض التاني بس المرة دي هيكون في المطبخ عشان الاستخدام المستمر للست البيت
ولازم يكون ارتفاع الحوض مريح ومناسب لها لأن اكتر وقت بيكون عند هذا الحوض من غسيل خضروات وخلافه
فبيكون المنسوب المناسب لحوض المطبخ بيكون 90سم من ارتفاع التشطيب
اما للبانيو بيكون ارتفاعه 45 سم
وتغذية البانيو 65سم من منسوب التشطيب وخلاط البانيو اعلى من البانيو ب 20 سم
و ارتفاع تغذية وصرف الحوض عن منسوب التشطيب 50 سم
وارتفاع تغذية وصرف غسالة الملابس عن منسوب التشطيب 50 سم
ارتفاع ماسورة صرف المرحاض الإفرنجي من أسفل عن منسوب التشطيب 8 سم
ارتفاع تغذية المرحاض الإفرنجي المحابس عن منسوب التشطيب من 25 إلى 30 سم
ولو هتركب سخان غاز فهيكون ارتفاع تغذية سخان الغاز عن منسوب التشطيب 110 سم-
اما لو هتركب السخان كهربا فارتفاعه تغذية 145 سم عن منسوب التشطيب
- المسافة بين ماسورتي السخن والبارد 15 سم عرض أقل عشان تركيب خلاطات بمقاساته
 |
| مقاسات تشطيب الحمام |
تعليقات
إرسال تعليق