الكراكليه
 |
| كركلية |
مادة تعمل شكل التشققات منها المائي والدوكو الناري الذي يخفف بثنر
الكراكليه الدوكو
ينفع يترش او يتفرد بالفرشه على سيلر او لاكر(ورنيش دوكو) او بوليستر او ورنيش مجموعه او ورنيش بلدى شرط يكون لسه طرى خالص ويكون وش خفيف وتحته ارضيه من اللى ذكرتهم.
بمعنى اصح ارضيه شديده وفيها لامعه
الكراكليه المائى
ينفع يتفرد او يترش على بلاستيك لامع او لاكيه لامع او سيلر او بوليستر او ورنيش ايا كان نوعه وهنا يشترط اللمعه مش الخدمه حتى يتم التفتيح المطلوب بشكل متناسق.
👇🏼الكراكليه الدوكو والمائي 👇🏼
بيشتركوا مع بعض فى ٣حاجات.
الاولى. اللمعه فى الارضيه تحتهم.
التانيه. الفرد او ارش التقيل بيعطيك تفتيحه كبيره.
الفرد او الرش والكراكليه مخفف بيعطيك تفتيحه صغيره.
التالته.بيحتاجوا جو حر او جو فيه هواء لتشكيل التفتيحه بسرعه.
وبيختلفو فى شيء واحد
الكراكليه المائى علشان يفتح لازم ترش او تدهن عليه بلاستيك وفى الحاله دى بتحتاج ان الارضيه تكون لونهامتناسق مع لون البلاستيك اللى هتدهنه او هترشه على الكراكليه المائى يعنى مثلا الارضيه هتكون اسود تحت الكراكليه المائى وهتدهن او هترش ابيض بلاستيك فوق الكراكليه المائى.
الكراكليه الدوكو التفتيحه بتاعته بتكون زاتيه بمعنى مجرد ماترش هو بيفتح من نفسه مابيحتاجش شيئ فوقه زى المائى.
الكراكليه المائى شفاف.
الكراكليه الدوكو نوعين.
الاول شفاف وده بيتعمل منه شغل الجلد او شغل الاكسيديه والتعتيق بمعنى انى هرش كراكليه على اى ارضيه من اللى ذكرتهم مهماكان لونها وهيفتح معايا لو انا عايز شغل زى الجلد هرش لون دوكو او صبغه فوق التفتيح وبكده شغل شكل الجلد وبعد كده ورنيش ا.
التانى الوان. فبيحتاج ارضيه مختلفه عن لون الكراكليه علشان يعمل معاك زى تفتيح الكراكليه المائى وممكن تقلبه شغل جلد لو مش متاح معاك الكراكليه الشفاف.
الكراكليه المائى فيه ميزه جميله انك ممكن تدهنه وتفرد عليه تانى يوم عادى وتالت يوم برده عادى بس ادهن وشين كراكليه افضل فى الحاله دى..
الكراكليه الدوكو والمائى يقبل الورنيش بجميع انواعه البلدى والدوكو.
الكراكليه الدوكو بيحتاج وانت بترش ترص الرش جنب بعض علشان الشغل يطلع متناسق انما لو فوت حاجه بتبين شكل الشغل مش حلو.
الكراكليه تعتبر ماده مصلحه لعيوب الشغل بمعنى انها مابتحتاجش خدمه تحتها كتير ولو فيه مطبات وديفوهات بتداريها تماما.
واخيرا الكراكليه يصلح العمل به على جميع الاسطح الخشبيه والاسمنيه والجبسيه والحديديه مع مراعاة المائى فى شغل الحديد..
ومن لديه معلومه اضافيه نسيت ذكرها يذكرها فى التعليقات للاضافه فى المنشور الاصلى... دعواتكم يااحباب💝💝💝
شكرا للفنان مصطفى الرويني
تعليقات
إرسال تعليق