أفكار من خبرة سنين
الفكرة الاولى
 |
| وش باب hdf |
فى كتير من الفنيين وخاصة النقاشين بيسألوا هو ينفع اعمل النوع ده من الخشب استر؟؟..
ايوا ينفع بس هايبقى بدون ثمرة بس برضه هايبقى شكله حلو...طيب ولما اصبغة بالحصى جوز وميه مش هايفوش ؟؟
اقولك انا على طريقة جميلة ..
اولا انت ممكن ماتبطنش خالص وتخدم على لون الخشب وترش لون فى الاخر..
ثانيا..لو عايز تبطن واللون مطلوب غامق يبقى هاتجيب الصبغة اللى بندورها فى سيلر وهاتخفها بنفض وتظبط لونك وتبطن بيها ودى مش هاتخلى الخشب يشعت معاك او يقوم ..والله الموفق....
الفكرة الثانية
لو مش معاك مسدس للتظليل والحروقة بفكرة بسيطة
لو حابب المسدس بتاعك يبقى زى مسدس التظليل بتاع الرسامين علشان تظلل بيه الشغل بتاعك الفتحتين اللى عليهم دايره الزق عليهم لزق زى الصوره واقفل البويه خالص وافتح هواك فى المتوسط ميبقاش على الاخر ورش براحتك وادعيلى..
ملحوظه..
الحركه دى فقط لشغل التظليل مش لرش حاجه تانيه يعنى لو جيت ترش ورنيش تشيلها خالص
الفكرة الثالثة
ودي مش تعتبر فكرة اكثر ماهي تعتبر تذكرة او معلومة بسيطة لفنان مبتدئ او نقاش محترم بيدخل في شغل الاستر
لو هتاخد شغل استر وانت نقاش
الارضية هتفرق معاك ياريت لو هتحضر الصبغه حصى جوز تعمل بزيادة وخد بالك بزيادة دي ضروري لان من الاخطاء اللى بنقع فيها ان يكون عندي 5 ابواب وشبابيك واعمل الارضية قليلة وارجع اعمل تانى تختلف الارضية
وبالتالى يختلف اللون ياريت كلنا ناخد بالنا من الحاجات البسيطة لانها بتكلفنا كتير بعد كدة .... شكرا للفنانين اللي بنتعلم منهم
وجعل هذا العمل من صالح اعمالهم
اتمنى للجميع التوفيق
ولاتنسونا بدعمكم
تعليقات
إرسال تعليق