الدهان بيقشر بالمعجون وبينفخ |
| الدهان بيقشر |
اولا انا هتكلم عن الاسباب
ثانيا العلاج
ثالثا المعجون الجاهز فى الخشب ناجح ولا فاشل.
اولا الاسباب
١-الخشب كان اخضر ولسه ماجفش الجفاف التام شكله ناشف لكن قلبه لسه مانشفش
٢-الخشب طاله مياه اثناء فترة صناعته للموبيليا او فى فترة دهانه (مياه مطر - مياه وقعت جنب الشغل ومحدش اخد باله منها - الورشه سواء نجاره او موبيليا دور ارضى وبالاخص على ارضية تراب مش صبه او بلاط)
٣-الخشب فيه زفاره وهنا الزفاره نوعين نوع طبيعى ونوع احنا بنتسبب فيه
النوع الطبيعى زى البزوز والعقد اللى فى الخشب ودى غالبا مابتخلى الدهان يقع او يفرقع
النوع التانى وده اللى بيبقى فيه المشكله الكبيره ان الخشب وهو لسه كتل وبيتقطع فى المنشار بتاع المنشار بيضيف زيت او جاز على المكنه اللى بتساوى الخشب وتنعمه من الشوائب الزائده على اجنابه بعض الزيت او الجاز بيقع على الخشب وبكميات كتيره وده بيسبب زفاره جامده فى الخشب النجار بيسن العده بتاعته بالمسن على الخشب والابلاكاش وبيضيف زيت على المسن فبيقع منه على الخشب وده من اسباب الدهان اللى بيقشر
٤-البطانه الاولى اللى بنبطن بيها الخشب قبل المعجون ضعيفه جدا +معجون ضعيف
٥- البطانه شديده والمعجونه شديده ولكن فى مرحلة المعجون الشغل وقع عليه مياه بكميه كبيره
٦_المعجون الحديد تم وضعه على بطانه ضعيفه
٧-المعجون الحديد تم وضعه على بطانه شديده ولكن لم يخلط جيدا على المصلب او كمية المصلب اقل من المطلوب
٨-المعجون الحديد تم وضعه على الخشب فى فتره مرطبه من اليوم مما ادى الى عدم تفاعل المصلب على المعجون
٩-تم عمل معجون جيد وصنفره جيده ولكن لم يتم مسح تراب الصنفره قبل الدهان
١٠-تم دهان الشغل فى فصل الشتاء وكانت البطانه والمعجون ضعيفه مما اخر جفافها ومما أدى الى دهان البويه على المعجون ولم يجف بسبب ضعف الغراء فيه
١١-دهان معجون بلاستيك جاهز على بطانه ضعيفه
١٢ - الزوجه بتمسح الارضيات كتير بالمياه مما أدى الى ان الخشب الملامس للارض شرب مياه نتيجة النضافه بالمياه بالطريقه الغير صحيحه مما ادى الى تقشير الدهان وفرقعته.
١٣ - تم عمل الكل الخطوات الصحيحه من شراء الخشب الى دهان الموبيليا بالطرق الموصى بها الا ان الزبون راجل نحس وقرفته وحشه وفلوسه حرام 😂😂😂
لمتابعة العلاج لهذه المشكله
تعليقات
إرسال تعليق