توضيح ال حابب يتعلم تنفيذ # ارضيات 3d
أولا /النظافة
لو عندك أي نوع ارضيه أن كانت اسمنتيه أو سيراميك أو بلاط اسمنتى بجلی طبقه الجليز ده لو سيراميك
اما لو بلاط عادي أو ارضيه اسمنتيه مش بتحتاج للجلي.
بنضف كويس اشيل اي أتربة أو شحوم وميه وزيوت ... بنضفها تتجلى ..... ... بالمكنسة الكهربائيه بعد النظافه كويس
ثانيا/الميول
بشوف نسبه الميول اد ايه وده بتعمل بالميزان الميه وبجيب البرايمر مش شفاف أي لون لو نسبه الميول عالیه بجيب رمل ناعم أو رمل سيلكا وبضيف بنسبه 10 % من حجم العبوه رمل والباقى ايبوكسي وبيتقلب بالشنيور القلاب ونسبه خلط 100 لفه في الدقيقه ولو الشنيور مش عالی بعمل بريمر ساده بدون رمل ببدأ أفرد الايبوكسي البرايمر بروله کبیره زى بتاعت الدهانات ده للبرايمر الساده بدون ايبوكسي لو بالرمل الفرد بيكون صب بمعنى بدلق كميه وبوزع البرايمر على المكان عن طريق باغه مشرشره بلاستك أو . حديد .... بعد التوزيع ممكن امشي روله الدبوس عليها بحيث اشيل الهواء والفقاقيع منه ....
الفواصل
طبعا لو في فواصل كبيره بمعجنها بمعجون ايبوكسي عباره عن اسمنت أسمر وايبوكسي بملئ الفراغات . بعد مابخلص بسيب البرايمر حوالي يومين ينشف ماتستعجلشي عليه بعد الجفاف البرايمر بعمل عمليه جلى للبرايمر بس بصنفره عاديه بالصاروخ بروضوا بحيث لو في أي فقاقيع أو نسبه خشونه تتشال وتنعم بنصف كويس جدا ....
المنظر
بجيب المنظر وببدا افردوا على اد مساحه الارضيه ال هشتغل عليها في أنواع كتيره بينطبع عليها زي البانر والكانفس والكلبسوا والديسكور ...... في عندك لاصق ايبوكسي شديد جدا للاصق المنظر . تلزق بكله سريعه كله الشعله ...... مرحله لاصق المنظر ...... بفرد المنظر كله وبلف نص المنظر من على الأرض وباقى المنظر مفرود وبفرد ماده اللاصق آخر الرول بمعنى ابدا لازق من نص الارضيه وببدا ادهن الماده وافرد بالباغه التفريغ البلاستك بحيث اشيل من تحته الهواء والفقاقيع بعد مابخلص لاصق نص المنظر . بلم نص المنظر الباقى وببدا بلاصق الباقى ...... بعد لاصق المنظر بشوف أو وممكن 4 ||| X في فقاقيع بسحبها بحقنه واضغط عليها ..... بسيب الارضيه يوم للجفاف الايبوكسي .....
التشطيب
مش ای ايبوكسي شفاف في السوق يصلح الأرضيات ال 3d
. . أهم شي اختيار الشركه ال هتشتغل بيها .... عن نفسي مجرب شركات كتير وبصراحة افضلهم ppc الالماني
نسبه التقليب 2 : 1 الكيلوا الايبوكسي بفرد سمك 1 ملم في المتر المربع بشوف مساحه الارضيه كام متر وببدا احسب كميه الايبوكسي ....
انا بحط 2 كجم في المتر بیعطيني سمك 2 ملم ..... أهم شئ اراعى انى ماشتغلشي بعد العصر علشان الرطوبه الأفضل من الساعه 9 للعصر عموما كل مكان وليه طبیعه شغلوا ..... ... بقلب الايبوكسي بالمصلب بالشنيور وببدا بتقليب الخامه والتوزيع .
ملحوظه لو الارضيه كبيره قلب مجموعه مجموعه متقلبشي الكميه كلها مره واحده علشان وقت الفرد ونسبه التفاعل بتاعت الماده متجلتنشي أو تتصلب ووبدا ...
بصبيا الايبوكسي واوزع الايبوكسي على المساحه صب مش فرد بروله يصب الايبوكسي وبوزع بالباغه المشرشره أو المساحه ...... بعد مابوزع الايبوكسي بمشى الروله الدبوس عليها الارضيه كلها حوالي 10 مرات طول في عرض ..... لو لاحظت فقاقيع في الارضيه يجيب الهيتر أو السيشوار وبشغلوا على الفقاقيع لما تتفتح وبسيبها للجفاف ..... طيب نسبه الجفاف عند درجه حراره 20 درجه حوالی اسبوع جفاف ..... لو عاوز اخلى الارضيه تجف بسرعه بشغل دفايه ..... نسبه سرعه الجفاف بتكون من درجة الحراره مش بالمصلب
نرجوا التعليق باي استفسار أو ملحوظة لم نتناولها في هذا التقرير .
تعليقات
إرسال تعليق