10 أخطاء يجب تجنبها قبل البدأ في تجاره ملابس الباله
 |
| تجارة الملابس البالة |
تاجر مجهول
1_تجنب شرا الشغل من تاجر مجهول بمعنى ان انا اروح اشوف الشغل الي هشتريه بفلوس انا تعبان فيها وطلع عيني عشان اجبها او مستلفها مينفعش اخسرها
اختيار درجة مناسبة
٢_اختيار درجه الشغل المناسبه لشغلي يعني مثلا انا في منطقه شعبيه او متوسطه مش هروح اجيب شغل كريمه او واحد في كريمه واقول انا هجيب احسن حاجه عشان لسا بيبتدي والزبون يعرف ان شغلي كويس غلط الزبون هيبقا عايز الشغل الحلو بسعر رخيص ويتعود على كدا ومش هيقدر انك بتجبلو الغالي في منطقه متوسطه او شعبيه ودا متحدد في درجات الباله
البيع
٣_طريقه البيع لزم تكون على علم بطريقه البيع لأنك ممكن تخسر كتير بسببها يعني. مثلا هجيب الباله هفتحها هحدد هبيع بالقطعه ولي بالكيلو الأفضل طبعا بالقطعه لو حتى هتتعب شويه في تحديد سعر كل قطعه اكتر من البيع بالكيلو
متابعة التاجر
٤_ اختيار التاجر الصح الي ارتحلو وممكن اتابع معا كل ما احب اعرف حاجه مش الي عايز يبعلي بيعه وخلاص المتابعه اهم شيء لان ممكن اكون ماشي صح والموضوع يبوظ مني فجأه فالتاجر يعرفني اشتغل ازاي طلب النصيحه مش عيب وفي نفس الوقت التاجر مش مديك البضاعه ببلاش عشان تخدها متتصلش بس تاني لا كلمو كل شويه وافهم منو الي حضرتك عيزو
٥_ اختيار الصنف او التشكيل الي هتشتغل عليه عشان مفيش حاجه تعد معاك لموسم واتنين وفي الاخر تتباع بخساره
يعنى. مثلا نصايح التاجر ليك خد ماكس أطفال بلاش بنطلون خد سويتر وهكذا ممكن اسمع منو لو حسيت انو امين وعايز مصلحتي مفيش مشكله انا عندي عقل وبميز اذا كان كلامي صح او لا
٦_بلاش شغل خليجي ٩٩٪ منو نصب لان مفيش شغل بيجي مكوى ومتكيس وفي تكت كمان
دا غير أن الكيس والتكت والكرتونه وزنهم عليك ١٠ كيلو لوحدهم يعني انتا بتخسر ١٠ كيلو قبل ما تبتدي تفتكر لما تبيع هتكسب مستحيل طبعا
دا غير انك صعب عند التاجر الي بيبعلك تفرز وطلع الشغل كلو قطعه قطعه
ميزان
٦_ بجمله المصاريف هتلك ميزان صغير تعرف بي القطعه وقفه عليك بكام عشان متبعش اقل من سعرها عليك
استند وشماعة
7_مرميش الشغل على الأرض والي ينقى ينقى لا الشغل يتكوي ويتحط على استندات ويبقا لي احترام عشان الزبون لما يشوفو على الأرض غير لما يشوفو على استند وشماعه ومكوي
٨ _ زبون القطاعي ممكن يتسبب في خسرتك مثال الزبون عايز صنف معين. الصنف دا مش. شغال كويس يعني مش عاليه طلب كتير والزبون عايز منو قطعتني يفضل يطلب نفس الصنف كذا مره فهتروح تجيبو انتا بعت من الباله ٣ او ٤ قطع والباقي مش عليه طلب فيا ريت ادرس الأول السوق بتاعي قبل ما اجيب اي شغل واستمع النصيحه
التجديد
٩ _معروف في اي تجاره ان مفيش شغل بيتباع من أولو لحد اخرو. فطبيعي. اني كل فتره لزم اجدد شغلي يعني. مثلا انا بعت من الباله وجبت تمنها ولسا عندي التلت فاضل مش هستني لحد ما خلصو عشان اجيب شغل تاني لا طبعا المفروض أضيف على شغلي واجيب تاني عشان الي هيجي وهيلقي عندي نفس الشغل في كل مره مش هيجيلي تاني إنما لو جه ولقى شغلي. متجدد هيجي تاني وتالت ورابع
التخزين
١٠ _اخلي عندي تخزين بمعنى اني لما اجي أعرض الباله معرضهاش كلها. أعرض منها ٦٠ او 70٪ منها واخلي الباقي اسبوعين عشان يبقا عندي شغل الزبون الي جه مره وهيجي تاني يقولي عندك جديد يلقى
اخيرا احترس من الحسد لان الحسد بيجيب المرض والفقر وفي بعض الحالات يوأدي الي الوفاه
اتمنى لكم بدايه مشروع تجاره فى ملابس الباله في مكسب في خير بس الحرص واجب في اي وقت اي مشروع كدا المكسب مش بيجي بالساهل
تعليقات
إرسال تعليق